Вiдарысы з маста праз Нёман уздоўж вулiцы Паповiча
Віды Гораднi з розных аглядных пляцовак добрыя. Для пачатку я пакажу, як выглядае горад з не самай вядомага, але цікавага месца, а менавіта – з моста праз Нёман ўздоўж вуліцы Паповіча. Ня ведаю, ці ходзіць тут грамадскі транспарт, а калі вы будзеце на машыне, то яе можна пакінуць, напрыклад, пад мостам, там, дзе пачынаецца вуліца Рыбацкая. Віды адсюль заходнія, так што прыходзіць рэкамендую не раней пяці-шасьці ўвечары.
Агульны від на стары горад з захаду. Зьлева – катэдра, ледзь ніжэй яе – Каложа, правей – пажарная каланча. Далей – Стары і Новы замкі, справа – касьцёл бэрнардынаў і драмтэатар.
Каардынаты пляцоўкі: 53.6791, 23.8063.
Агульны вiдарыс места
Касьцёл сьвятога Францiшка Ксаверыя
Калоская царква. За ёю далей – Вялiкая харальная сынагога
Драматычны тэатар i касьцёл Адшуканьня Сьвятога Крыжа
Вiдарысы з пагорка ля кляштара францішканаў
Пагорак каля францiшканскага кляштара, мабыць, лепшае месца, адкуль можна паглядзець на стары горад. Цэнтральная кропка знаходзіцца тут: 53.6717, 23.8247. Ад яе можна шпацыраваць і направа, і налева, у залежнасьці ад гэтага мяняецца і ракурс, і тое, што трапляе ў поле зроку. Аптымальны час для фатаграфаваньня – не раней гадзіны дня, а лепш – яшчэ пазней, гадзіны ў тры-чатыры. Я пачну паказваць, пачынаючы ад самай паўночнай кропкі, дзе сыходзяцца разам вуліцы Леванабярэжная і Дарвіна, і паволі пайду ў бок да старога маста і далей за яго.
Спачатку аддамо належнае Барысаглебскай царкве.
Калоская царква
Далей мы бачым новы замак і царква Раства Божай Мацiы колшiняга базылянскага манастыра.
Новы замак
Царква Раства Божай Мацi і манастыр базылянак
Наступны выгляд, мабыць, самы паштовачны і раскручаны. Менавіта па ім ацэньваюць прыгажосьць горада турысты, якія дабраліся да гэтага месца.
Злева направа: унізе ля Нёмана – гістарычны бровар, заснаваны ў пачатку XVIII стагодьдзя. Зараз ён належыць дзяржаве і знаходзіцца ў даволі сумным стане. На рэстаўрацыю грошай няма, а прадаць прыватным інвэстарам не дазваляе рэлігія. Уверсе, над гарызонтам – Новы замак, кляштар базылянаў, драмтэатар, Савецкая плошча, катэдра. Далей на ўзгорку – манастыр бэрнардынаў, і бліжэй да нас, амаль на самым мосце – будынкі былой махорачным фабрыкі Шарашэўскага і Русоты, пабудаваная ў 1867 годзе. Сёньня Гарадзенская тытунёвая фабрыка знаходзіцца ў іншым месцы, а тут размешчаны цэлы гурт офісаў розных фірмаў.
Ну, а цяпер можна разгледзець ўсю гэтую прыгажосьць больш дэталёва.
Драматычны тэатар
Хоць і здаецца, што Пэгас скача прама з тэатра ў касьцёл, на самой справе касьцёл знаходзіцца значна далей, паміж імі па прамой каля паўкілямэтра. Гэта тэлевік так прыглушвае адлегласьць.
Драматычны тэатар i касьцёл сьвятога Францiшка Ксаверыя
Касьцёл сьвятога Францiшка Ксаверыя
Далей знаходзіцца касьцёл Адшуканьня Сьвятога Крыжа колiшняга кляштара бэрнардінаў.
Касьцёл Адшуканьня Сьвятога Крыжа
Колiшняя махорачная фабрыка
Іоселя Лейбавіча Шарашэўскага і Файвеля Шабшалевіча Русоты
Адрас: вулiца Маставая, 39.
Далёка на паўднёвым усходзе можна разгледзець старыя праваслаўныя і каталіцкія могілкі, кожнае са сваёй капліцай.
Царква сьвятой прападобнай Марфы
Каталiцкая каплiца Найсьвятейшага Збавiцеля
Вiдарысы са Старога замка
Трэцяя кропка, якую я магу рэкамендаваць, гэта віды са старога гарадзенскага замка. Ня ўпэўнены, што цяпер, падчас рэстаўрацыі і новага будаўніцтва, у яго можна зайсьці. Але можна пагуляць па набярэжнай, віды будуць вельмі падобныя.
Віды Нёмана вельмі добрыя. Каб яны былі для вас выдатнымі, рэкамендую прыходзіць сюды раніцай, пажадана не пазьней за дзесяць гадзінаў.
Нёман i касьцёл Адшуканьня Сьвятога Крыжа
⟵ Previous part. Part 10
Śvierdłaŭ street and Paryskaja Kamuna street