Прыгажосьці Гораднi не абмяжоўваюцца умоўнай участкам ад Савецкай плошчы да чыгункі з усходу на захад і ад вуліцы Ажэшкі да Нёмана з поўначы на поўдзень. Па-за гэтым ўчасткам дастаткова шмат вядомых славутасьцяў, расповед пра якія тут адбудецца, але адбудзецца ня надта хутка. З усяго гэтага багацьця я пакажу, мабыць, не самую яркую вядомую, але сімпатычную. Гаворка ідзе пра тыповы савецкі палац культуры, размешчаны на вуліцы Дзяржынскага. Аднойчы я ня здолеў знайсьці жытло ў цэнтры горада i быў вымушаны начаваць дзесьці на поўначы, у спальнай Дзевятоўцы. Быццам бы гэты Дом культуры нічога супервыбітнога зь сябе не ўяўляе, але ў вячэрні час ён быў так сакавіта асьветлены цёплым лямпавым сонцам, што я ня змог не спыніцца, каб не паглядзець на тое, як гэты будынак літаральна ахінае заходнім асвятленьнем.
Вулiца Дзяржынскага, 41