Пiнск. Частка 7. Вулiцы цэнтра 3. Вулiца Дняпроўскай Флятылii, набярэжная Кiяўца
Паўночная набярэжная Пiны
Набярэжная Пінска гістарычна падзялялася на тры ўчасткі: Слабадзкая набярэжная (ад гарадскога парку да цяперашняй гасьцініцы «Прыпяць»), галоўная набярэжная (сёньня – ад гатэля «Прыпяць» да плошчы Леніна), Мяшчанская набярэжная (тэрыторыя цяперашняга сударамонтнага завода). Сёньня гэта вуліца Дняпроўскай флятыліі.
У пачатку XX стагодьдзя ўздоўж Набярэжнай размяшчаліся важныя адміністрацыйныя ўстановы места: земскае кіраваньне, павятовае староства. Бліжэй да парку знаходзіўся будынак рамеснай вучэльні. Да прыходу ў Пінск Савецкай улады ў 1939 годзе набярэжная насіла імя Польскіх легіёнаў. Гэта пацьвярджае знаходка пры будаўніцтве Дома Саветаў – эмалевая шыльда са словамі «Набярэжная легіёнаў».
Збудаваная і адноўленая ў 1948 годзе на энтузіязме патрыятычна настроенай моладзі, сучасная набярэжная стала своеасаблівай візітнай карткай горада. Апошняя рэканструкцыя набярэжнай была прыпыненая ў жніўні 1991 года. Пасьля таго, як частка яе, ад парку да гасьцініцы, была «апранутая» ў бэтон, вынiк не вылучаўся анi прыгажосьцю, ані арыгінальнасьцю. Было прынятае рашэньне ўзнавіць гістарычны выгляд набярэжнай, аднак праект так і не быў зьдзейснены.
Вулiца Дняпроўскай Флятылii
Вулiца Дняпроўскай Флятылii, 21. Гарвыканкам
Вулiца Дняпроўскай Флятылii, 33
Будынак Пінскага стараства па вуліцы Дняпроўскай флятыліі пабудаваны ў канцы XIX стагодьдзя ў стылі, блізкім да клясіцызму. Так як ён з’яўляўся флігелем палаца Бутрымовіча, то і стылістычна быў зьвязаны з палацам. Пасьля 1913 года будынак адыйшоў земскаму кіраваньню.
Вулiца Дняпроўскай Флятылii, 39
Фасадам на раку выходзіць будынак былога гатэля «Брыстоль», упрыгожаны калёнамі і бэтоннымі шарамі. Двухпавярховы будынак пабудаваны пінскім мяшчанінам Брэгманам Моўшам у 1902 годзе. У гасьцініцы было 14 нумароў на 20 месцаў. Кошт начлегу напрыклад, у 1930 годзе, складаў за аднамесны нумар 4-6 злотых, а за двухмесны – 5-6 злотых. Будынак быў падключаны да электрычнасьці, мелася тэлефонная сувязь.
Па заканчэньні Другое сусьветнай вайны ў «Брыстолi» знаходзіўся штаб Дняпроўскай ваеннай флятыліі, пазьней – вайсковы шпіталь навучальнага атрада Ваенна-марскога флоту СССР, які дыслакаваўся ў горадзе да 1992 года. У 1995 годзе будынак адыйшоў да анкалягічнага дыспансэра, дзе да 2004 года месьцiлася паліклінічнае аддзяленьне.
З 2004 года будынак пуставаў і быў выстаўлены на таргі, быў выкуплены адной з камерцыйных структураў, але да гэтага часу пустуе і паступова разбураецца…
Набярэжная Кiяўца
Карабль-помнiк
Каарданыаты: 52.118512, 26.122822.
Самалёт-помнiк
Каардынаты: 52.120028, 26.123939.
Вулiца Панкавай, 6. Храм Раства Найсьвяцейшай Божай мацi
