Груздава – вёска каля ракі Аржоўкі, даўняе мястэчка гістарычнай Ашмяншчыны (частка Віленшчыны).
Паходжаньне тапоніму «Груздава» мясцовыя жыхары выводзяць ад грыбоў груздоў. Аднак больш імавернай выглядае вэрсія пра ўтварэньне назвы паселішча ад слова «груд» – «узгорак», «курган», што добра стасуецца з рэльефам мясцовасьці: цэнтральная частка вёскі ўзвышаецца над ваколіцамі на 15–20 мэтраў.
Царква Раства сьвятога Яна Прадцечы
У Груздаве можна ўбачыць царкву сьвятога Яна Прадцечы, пабудаваную ў 1875 годзе. Па стану на 2019 года яна знаходзіцца на рэканструкцыі. Яе купал выглядае, быццам захутаны не тое шалікам, не тое убраны каронай…
Каардынаты: 55.014624, 27.009968
